**يــوم فـي حيــاة عضــو* *

قلب انسان · #1 (**permalink**) 26-08-08, 02:03 AM

السلام عليكم ورحمة الله
كيفكم يا جماعة ان شاء الله الكل بخير وتماام

ندخل بالموضوع

يــوم فـي حيــاة عضــو

فكرة الموضوع هياا انو كل شخص بيندعا للموضوع هادا بييجي يحكيلنا كيف قضا يومو بالتفصيل الممل لو ممكن

متلا انا هلا بادعي عضو
بييجي العضو بيحكي عن يومو ولو كانت الفترة لسا الصبح بحكي عن اليوم الي سبقو متلا
لكن بعد ما بحكي عن يومو ما ينسا انو يدعي شخص غيرو ليحكيلنا عن يوموو

اتمنى انو يكون انفهم الموضوع

وبالنسبة لإنو كيفية معرفة العضو انو مضيوف هون انا بطلب من المشرفين العام انو يوصلو لالهم رسالة خاصة

وانا راح اكون متابع للموضوع لو ما في مانع ,, بس ما بحب اراسل خاص كيف حابلغ؟

و انا راح ادعي اول شخص المديرة نــور لتحكيناا عن يومهاا

يلا سلااام

** نور ** · #2 (**permalink**) 26-08-08, 09:18 PM

بالتفصيل الممل كمان

مش لما يكون في تفاصيل

كلو دراسه دراسه دراسه

ونوم وتلفزيون ودراسه

قلب انسان · #3 (**permalink**) 27-08-08, 09:34 AM

ليش هيك شاركتي اخت نور

الموضوع هاد حلو بس اهتمو اشوية

وليش هيك المنتدى ما حد بيفوت

ولا شكلكم شلة بتعرفو بعض والكل بدرس شي؟؟

طيب وليه ما رشحتي عضو بعدك؟

طيب يلا انا هلا برشح الدريس التاني

مان مانجر

ننتظرك

Love M@n@GeR · #4 (**permalink**) 27-08-08, 09:53 AM

i will be back after exams

** نور ** · #5 (**permalink**) 27-08-08, 03:32 PM

ما انتبهت انو لازم نرشح حد

حلو موضوعك قلب انسان

اه زي ما تقول مشغولين بالامتحانات كلهم

بس نخلص بنفيع لا تقلق

منور

طيب يلا انت احكيلنا شو عملت اليوم بالتفصيل الممل بالكلمه وبالحرف

قلب انسان · #6 (**permalink**) 28-08-08, 09:39 AM

ههههههههههه
والله شكلي ورطت حالي
طيب يا دريسة راح احكي انا عن يومي
بس بعد ما اتخلصو امتحاناتكم على خير ان شاء الله بدكم اتشاركوناا
طيب نبدا من الليلة كنت بسهرة صاحبي اتزوج اليوم عقبال عندكم روحا عال1
تعبان ومهلوك اتحمممت عالسريع قلت اشيك عالايميل قعدت لل2 ونمت
جدتي نايمة عنا اصلها بتروح كل 10 ايام عند عم ولما بتنام عنا بتنام بغرفتي عنها اصلها بتحبيني وكمان غرفتي لانها واسعة
ويا عيني والله لو كنت نايم عال4 لازم اتصحيني اصلي بالمسجد والا
المهم صحتني صليت وارجعت نمت
هلا كان علي مشوار على نقابة الموظفين لاني قدمت لوظيفة هناك والي صاحب فيها بدو يعرفني على مهندسين
يعطوني اشوية بعلومات بتلزمني للمقابلة ,, بس انا مش مهندس ههه
وكان عليا كمان مشوير واحد عالكلية منشان اخد الشهادة وواحد على منتدى شارك اخدت عندهم دورتين
يييي لو بدي احكي بالتفصيل ما بخلص انا دايما يومياتي هيك
المهم الا الساعة 8 بيتصلو علي اصحابي بخانيونس تعين الكلية قال جايين غزة
يا عمي انا مش فاضي عالفاضي وبقلهم علي مشوير قال أجل بقلهم معزوم عالغدا قال اعتبرنا عزمينك ههه شو هالعز
المهم اجو واتصلت عالناس واعتزرت منهم وخليناها ليوم تاني وطشيت مع الشباب
رحنا كم مشوار ورحنا الكلية وميلنا على الازهر ورحنا اتغدينا وروحنا
هلا بالبيت قعدت اشوية عالنت ورحت عند العريس لنقوم بالواجب زفة وكدا واعتزرت لابو العريس عن الغدا لانو ابوه صاحبي هههه
روحت عالنت وارجعت بروح وهكذا لما راح العريس للصالة روحت وقعدت عالنت
اتصل صاحب بردو بدو مني جهازو هارد 260 غيغا قعدت ساعة عالجوال اوصفو وين بيتي لما وصلني
اعطيتو اياه ورحت صليت العشا
قعدت مع اصحابي بالحارة الا اجاني اتصال
هلا في الي اصحاب الطفولة عدول لازم نقعك كل اثنين وجمعة بمنتزرة برشلونة سهرة شدة وحجات
يوم الاثنين ما قعدنا لانو كان في سهرة صاحب بردو
فقعدو الليلة واتصلو عليا ورحت وكملت يومي هناك من ال10 لل1 في قهوة وحدة وما خلصت الكل مل هههه
وبس وروحناا
هلا فتحت الجهاز بردو شيكت عالايميل وحطيت من الهارد الي كان عندي شي 50 فيلم اجنبي جداد احضرت واحد ونمت

وتوتة توتة ,, خلصت الحدوتة
وفي حجات بردو مشيتها لانو لو بدي افصل اكتر بقعد لبكرة
وانتو اكيد ازهقتو ههههههههه

طيب مين ارشح بعدي
اعتقد انك خلصت امتحانك على خير هلا يا مدير لف مانجر
بدي تحكيلنا عن يومك ومغامراتك مع الامتحان
ولو سلمت الورقة فاضية عادي ما فيها شي بس احكي ههه
يمزح سلاموو

Love M@n@GeR · #7 (**permalink**) 29-08-08, 10:10 PM

طيب لو بدي احكي بالتفصيل الممل بدي 24 ساعة

طيب بدي احكيلكم عن اول امبارح يعني يوم الاختبار

صحيت عال 6 كان ضايلي سكشن ما درستو منيح قلت والله منا دارسوا انا قرفان صليت الفجر وقعدت عالنت لل 7 وتلت قلت بدي اروح افطر في الجامعة واشرب كوفي واراجع القوانين عالسريع
رحت لقيت شباب صحاب قعدت معهم واخدو مني الكتاب يدرسوا منو بقلهم ولكو هاتو بدي اراجع نسيت كل اشي مرضيوش
لاخر لحظة كنت بدي انسحب بس شفت ناس مش دارسة بالمرة وكنت واحد سوم ون اني اقدم قلت يا بتصيب يا بتخيب

الصفحة الاولى تقريبا كلو تمام الصفحة التانية تقريبا 20% بس يعني الله يعلم انجح ولا لأ عالتساهيل

طلعت من الاختبار قعدت مع الشباب كيف يا ولاد ؟ قالو تمام وانت ؟ قلتلهم نص نص مسكنا الوراق وراجعنا طلعت حالل احسن منهم وهما مخبصين خيرات الله

روحت على اختي قعدت عندها شوية يبنتي بديش اتغدى حلفت 5000 يمين الا اتغدى تغديت وروححت نمت

صحيت سمعت اخبار بتسم البدن وتنكدت لاخر الليل يعني للصبح وما نمت وووووبس

قلب انسان · #8 (**permalink**) 30-08-08, 01:40 AM

ههههههههههههه
طيب الواحد لما بتشوف بلوة غيرو بتهون عليه بلوتوو
وان شاء الله خير وموفق بالنسبة للامتحان
وشو هالخبر الي سم بدنك بهالدرجة

طسي مشكورة على سرد يومك ع السريع وانسيت اترشح عضو بعدك يا ماان

انتظركـ
سلاموو

Love M@n@GeR · #9 (**permalink**) 30-08-08, 11:53 AM

اه سوري

قلب انسان

قلب انسان · #10 (**permalink**) 30-08-08, 03:39 PM

لالاااااااااا هيكـ حرام عليك

ههههههههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)